التقديم عل الأمتحانات الخارجية راح يكون يوم
٢٩ /٢٠٢٠/١٢
الامتحان #ألخارجــــــــــي
معلومات مهمة جدا وجواب لكثير من الأسئلة حول الامتحان الخارجي)
شنو الخارجي ؟ وشلون أقدم خارجي ؟ وشوكت ؟ وهل شهادته نفس الصباحي ؟ وغيرها .. راح أوضحه
#الخارجي / هو أن تكعد وتسكت بالبيت بدون ما تداوم ..فقط تروح تمتحن امتحان #تمهيدي 🤗 بشهر الثاني هنه 7 مواد انته مخير تمتحن 5 او 6 او 7 .. تمتحن اذا نجحت ب 4 راح تدخل وزاري اذا دخلت وزاري تروح بوقت الامتحانات وي طلاب الصباحي بشهر 6 أو 7 تمتحن وزاري وهم يحقلك دور 1 و 2 و 3 اذا انطوه
قبل المعروف يجب ان تترك سنتان حته تقدم وشرط عمرك جبير .. أما الان أجه قرار جديد .. هو : ☺️
{ من رسب في صفه سنتان متتاليتان في المدارس الصباحية وسنه او سنتنان في المدارس المسائية يحول يقدم ع الدراسه الخارجيه }
#انتبه .. بس العام اجه قرار كال الراسب سنتين بالصباحي #مخير في الذهاب للمدارس المسائية أو التقديم ع الخارجي #مخير .. بس هالسنه هم مخير ؟ نحن بأنتظار التعليمات
هالسنه ان يكون مواليد لحد 2001....الخ يحقلك تقد
🚫 انتبه / من تقدم خارجي شرط مامسجل مسائي هالسنه يعني مو مسجل حضرتك بالمسائي ومداوم واجه بمزاجك تقدم خارجي #لا شرط مامسجل ...... هسه أوضح بعد 😌 شوكت أقدم وشلون أقدم وشسوي انتبه 👁👁
#ألمســــــــتمســـــــــكات
أذا جنت طالب سادس تاخذ
1⃣ 10 صور حجم 3.5 × 4.5 يعني صور جواز خلفيه بيضاء ..
2⃣وجنسيتك وشهادة جنسيتك اصليات واستنساخ وبعد 🤔
3⃣ تأييد سكن من المختار
تروح #لمديرية_التربية الي بمحافضتك قبل لا تدخل بالباب تاخذ فايل وبيه استمارة تقديم ع خارجي (عريضه) بألفين دينار وتدخل تسلم وتكولهم يابه اريد اقدم ع خارجي 😢 هسه يكلك جيب الفايل أنطيهياه بعدها يوقع وينطيك ورقتين
1⃣ اول وحده تجيب بيها وثيقة الثالث متوسط من متوسطتك الجنت بيها .. اذا جنت نازح بغير محافظه يطلعوها عن طريق الحاسبه بدون ما تروح..بالممثلية
2⃣ الورقة الثانيه تجيب بيها #واقع_حال اخر صف جنت بيه وشنو جان فرعك .. أذا جنت ادبي فمجبر تسجل ادبي اذا جان علمي مجبر تسجل علمي وتختار تطبيقي او احيائي
وبعد 🤔
تجيبهن وتجي تنطيهمياه وتدفع 50 الف 💵 وينطوك وصل يكلولك روح تعال قبل شهر 2 ب 15 يوم شوف مكان امتحانك التمهيدي وبس واكعد ابيتك وأدرس
هسه نجي نجاوب سؤال وجواب ❎✅
🔵 سؤال / شهادة الخارجي تفرق عن شهادة الصباحي ؟
🔘 الجواب / خارجي صباحي مسائي كولهه شهادة وحده ومتفرق أبد ولا حته بالقبولات ادرس خارجي وطلع 98 تدخل طب ومحد يكولك منين أجيت . الفرق بس بالاعمار .
🔵 سؤال 2/ أكدر أغير فرعي ؟
🔘 الجواب / نعم .. اذا جنت ادبي ورسبت تكدر تحول علمي وبالعكس
🔵 سؤال 3/ اذا قدمت خارجي ورسبت يحقلي اقدم مره ثانيه ؟ 🤔
🔘 يحقلك تقدم 5 مرات ع خارجي حته لو ترسب
🔵 سؤال 4/ أني راسب او تارك بصف رابع او خامس او سادس قبل 50 سنه او قبل سنتين يحقلي أقدم هسه ع خارجي ؟
🔘 الجواب / نعم يحقلك
🔵 أني خريج كلية كذا او معهد .اكدر اقدم تغيير فرع ؟ واذا قدمت تنلغي شهادة الكلية ؟
🔘 نعم يحقلك
نعم بمجرد ان تقدم راح تعتبر كأنه طالب سادس جديد . وشهادتك مال الكلية او المعهد تنحذف
🔵 سؤال اني اول سنه اللي بالصباحي اكدر اقدم خارجي ؟
اني ثاني سنه الي بالصباحي اكدر اقدم ؟
🔘 الجواب - لا .. شرط ان تكون راسب سنتين بالسادس
أو ناجح من الثالث متوسط صارلك 3 سنوات وبالسنه الرابعه تقدم ..
🔵 سؤال / اني مثلا داومت اعدادية او متوسطه ابغداد . وهسه اني بكربلا افتراضا اريد امتحن بكربلا شسوي ؟
🔘 الجواب / يجيب وثيقته من المدرسه ويصدقها من مديرية تربية المحافضه الي جان يداوم بيها .يجيبها لمديرية تربية المحافضه الي راح يدرس بيها خارجي
0 تعليقات
اضف تعليقأ مناسباً عن الموضوع .. ونرد عليكم في اقرب وقت ( تعليقك يسعدني :) )
Emoji